ԱՄԱՆՈՐՅԱ ՄՈՒՏՔ

Խաղաղություն ձեզ։ Մենք հենց նոր ծնվեցինք։ Շնորհավորեք մեզ մեր ծննդյան կապակցությամբ։ Նաև շնորհավորում ենք Ձեր Ամանորը։

Ո՞վ մենք։ Մենք երկվորյակներս՝ ես՝ «Դեպի Հավերժը» բլոգը  (depihaverzh.blogspot.com)  և «Դեպի Հավերժ» ֆեյսբուքյան էջը  (www.facebook.com/pnevmatos)։ 

Մենք ծնվեցինք նոր տարվա՝ 2013 թվականի հունվարի մեկի հենց առաջին վայրկյաններին՝ մի քանի վայրկյան տարբերությամբ։

Ո՞րն է մեր առաքելությունը։ Ինչո՞ւ մենք այս աշխարհ եկանք։

Մինչև մեզ հարցեր տալը, ինքդ քեզ հարցրե՞լ ես« թե որն է քո աշխարհ գալու առաքելությունը։ Ի՞նչ ես անում դու Աստծո, մարդկության և անձանբ քեզ համար։ 

Թող այս նոր՝ 2013 թվականը լինի քո անձնական երջանկության տարի։ Թող իրականանան քո բոլոր իղձերն ու հույսերը« որ երբեմնի փայփայել ես։

Թող Աստված օրհնի, որ դու, սիրելի քրիստոնյա, կարողանաս իրականացնել քրիստոնյայի առաքելությունը. այն է սեր դրսևորել Աստծո և մարդկանց նկատմամբ։

Եթե ձգտում ենք ՀԱՎԵՐԺԻՆ և փափագում ենք դառնալ հավերժական թագավորության քաղաքացի և տիրանալ մշտնջենական ժառանգությանը, հավերժական ունեցվածքին, ապա պիտի ունենանք այն հավատը. որը գործում է սիրով և մաքրում է հոգին։

Հավերժի Տիրակալը ցանկանում է, որ ունենաս և վայելես այն ամենը, ինչը կարող է ազնվացնել, վեհացնել քեզ և պիտանի դարձնել Իր հետ հավիտյան ապրելու Աստծո կյանքին համահունչ կյանքով։

Մեծ շնորհ է լինել Աստծո զավակներ, կրել Նրա անունը, դառնալ արքայական ընտանիքի անդամներ, կանգնել Էմմանուել Իշխանի՝ թագավորների Թագավորի և տերերի Տիրոջ դրոշի ներքո։

Վերադառնանք «Դեպի Հավերժի» առաքելությանը։ Ե՜վ բլոգը, և՜ էջը նպատակ են հետապնդում օգնել քեզ, սիրելի հայրենակից, որ լինես ճշմարիտ քրիստոնյա, ինչպես նաև՝ հաջողակ քրիստոնյա։

Դե, ուրեմն, ճանապարհ ընկնենք դեպի Հավերժը, դեպի ԱՍՏՎԱԾ։